'Fantastic Four'-a chang turte a chiang ta

Marvel Studio chuan an movie siam thar, 'The Fantastic Four (2025)' a chang turte chu an social media page kaltlangin Nilaini khan an puang.

'The Fantastic Four'-ah hian Pedro Pascal chu Reeds a.k.a Mr. Fantastic, Vanessa Kirby chu Sue Storm a.k.a the Invisible Woman, Jospeh Quinn chu Johnny Storm a.k.a Human Torch leh Ebon Moss-Bachrach chu Ben Grimm a.k.a the Thing-ah an chang dawn. Studio hian a changtu turte an puan rual hian, an instagram account-ah Fantastic Four costume-a inthuamna, animated image an post nghal bawk. He movie hi Marvel Cinematic Universe hnuai 'Fantastic Four' movie hmasa ber tur a ni a, mahse, hemi hma hian Mr. Fantastic hi MCU 2022 movie, 'Doctor Strange in Multiverse of Madness'-ah chuan a lo lang tawh a ni.