Super Bowl victory parade-ah inkahna thleng

Super Bowl 2024-a hnehna changtu, Kansas City Chiefs victory parade neihnaah inkahna a thleng a, mi pakhat a thi a, mi dang 21 an hliam.

Inkahna thlenna hmun hi parade tawpna, Kansas City chuanhnuai lam, rel station, Union Station thlang lamah a ni. Pung khawm an tam hle a, inkahna thlen lai hian Kansas City Chiefs player-te pawh hi stage-ah an la awm a ni. Silai puak ri an hriat hian mipui pung khawmte hi tlanchhiain, an innek buaina lamah hliam tuar hi eng emaw zat an awm a ni. Local radio station chuan silai hmeh puahah hian an DJ pakhat, Lisa Lopez a thi tih an sawi. Hliam tuar zinga mi pariatte chu an dinhmun a ṭha lo hle niin official-te'n an sawi a, naupang hliam hi pakua awm bawkin, damdawi inah enkawl mek an ni. Police-te chuan he pawikhawihna thleng kaihhnawihah hian mi pathum an man tawh tih an sawi a, firfiak lam kaihhnawih ni loin, inhnial buaina avanga silai hi hmeh puah nia a lan thu an sawi bawk.