Eminem-a'n personal documentary siam a tum

Greatest rapper of all time an sawi zinga sawi tel ziah, Eminem chuan kumina tihchhuah turin personal documentary siam a tum.

‘The Real Slim Shady’ hian 1990's chho khan music industry luhchilhin, best selling music artist a ni a, award pawh a dawng hnem tawh hle. Hei bakah film lamah pawh a mikhual lo a, 2002 khan 8 Mile-ah a lo chang tawh a ni. Tunah chuan a personal documentary hi amah ngeiin siam a tum, a title-ah hian 'Stans' tih a ni ang. He documentary-ah hian a lar chhoh dan te, a fan-te chungchangte, artist leh fanbase inlaichinnate tarlan a ni ang. 'What’s My Name: Muhammad Ali' leh 'Legacy: True Story of the L.A. Lakers' writer Steven Leckart-a'n a direct dawn a, distribution hi Paramount/MTV kuta pek tum a ni bawk.