MrBeast-a'n kum khatah USD mtd. 550 la lut

Khawvela YouTuber lar ber, midangte tana luangchhuaka thilpek pek a uar avanga 'giveaway king' tia sawi ṭhin bawk, MrBeast chuan a YouTube aṭangin kum khatah USD mtd 550 vel a la lut ṭhin.

MrBeast chuan kum khatah sum tam tak la lut mah se, a hausa lo tih sawiin, a sum hmuhte chu a reinvest leh vek zel niin a sawi.A YouTube video pakhat aṭang hian ad revenue hi USD maktaduai tel a hmu ziah a, brand deal-ah phei chuan a hlawh hnem hle. A YouTube kaltlangin midangte tan a luangchhuak nasa a, a giveaway lian ber nia sawi chu USD mtd 2.5 man private jet a ni. Ke bulte puihna turin USD mtd 5 vel a pe chhuak tawh a, mi harsa zawkte puihna turin USD mtd 2.7 leh, Covid hri len lai khan ei tur, USD mtd 1 a lo sem chhuak tawh bawk.