Kanye West leh Ty Dolla $ign album streaming platform-ah dah leh

Kanye West leh Ty Dolla $ign album, 'Vultures 1' chu distribution chungchanga buaina an neih avanga music streaming platform aṭanga lak thlak a nih hnuin, dah let leh a ni.

Apple Music chuan hun rei vak lo album hi a lak thlak hnuah a dah leh tawh a, Apple Music chart-ah hian no. 1 a ni hman a ni. He album hi iTunes aṭang pawhin lak thlak a ni a, app hian an lak thlak chhan an sawi lang lo. Hemi hma hian Kanye leh Ty hlate hi Spotify aṭangin paih an ni bawk, hei hi Donna Summer estate ngenna vang nia sawi a ni. Hemi chungchang hi Donna estate chuan Instagram lamah sawi fiahin, Kanye West hian Donna Summer hla, 'I Feel Love' hman a dil a, mahse, phalsak a ni lo a, heti chung hian a thu thlakin midang a saktir a, hei hi copyright palzutna lian tak a ni tih a sawi. Kanye leh Ty hian February 10 khan 'Vultures 1' hi an tichhuak a, hla 16 a awm.