Chin National Day hmangin US-ah Sawmtea Chhangte

Mizo gospel singer kan neih ṭhat ber zinga mi, Sawmtea Chhangte chu US-ah 76th Chin National Day-a zai tura sawm niin, Zirtawpni khan US a thleng a, Inrinni zan khan Indianapolis-ah CND hmannaa hun ahmamng nghal. Tun karah hian Iowa-a CND hmannaah a zai leh bawk ang.

Sawmtea Chhangte hi nikum khan US-ah hian Chapchar Kuta zai tura sawm a nih nih hun a lo zu hmang tawh bawk. Tun ṭuma pawh hian US a thlen rual hian state hrang hranga Mizo hnahthlakte sawmin, zaina tur hmachhawp eng emaw zat a nei nghal a ni. A cham chin tur pawh a la hriat mai rih loh thu leh, programme a tam thu a sawi. Nikum leh kuminah zai lama a vah kual nasat avangin music video lam pawh a buaipui hlei thei rih lo a, mahse theihtawp chhuah erawh a tum tih a sawi. US-ah hian Mizo leh Halkha hla a sa tam deuh ber a,a hla neihsa 'A Pe' leh 'Puanvar Sin' te a sa nasa hle. A rawngbawlna kohhran azirin Falam, Halkha, Zomi leh English hlate a sa ṭhin bawk tih a sawi.