'The Midnight' an inpeih ta e

'The Midnight' band chuan nimin khan Aizawl an rawn thleng a, zanina show ropui, beng leh mit titlai tak min hlui turin an inpeih ta e.

Brigade Ground, Aizawl-a concert an neih turah hian vawiin tlai dar 3 aṭangin gate open a ni dawn a, a muangchan chi vak lo ang. American synth wave band chet hmain, opening act-ah Nagland leh Manipur lam band bakah, Zoram rimawi khawvela thawm nei lian tak takte chetla kan hmu hmasa phawt dawn, anni ngawt pawh hi a puitham dawn. Mizoram leilung ngeia international band,an vanglai hmang mek 'The Midnight' perform live-a kan hmu thei tur hi kan vannei e. Musician an rawn hruaite pawh an bon, stage lama duhtawka an chetla hmuh a nghahhlelhawm tawh hle.