2024 People's Choice Awards-ah Taylor Swift a langsar

Santa Monica, California-ah Barker Hangar-ah Pathianni zan khan 2024 People's Choice Awards sem a ni a, nikum lama boruak nei lian Taylor Swift a langsar ber.

Kum 34 mi, superstar Swift hian category pathum, Female Artist of the Year, Pop Artist of the Year leh a Eras Tour neih mek hmangin Concert Tour of the Year award a dawng a ni. Male Artist of the Year-ah Jungkook thlan a ni bawk.

Olivia Rodrigo chuan award pahnih - a hla, Vampire hmangin Song of the Year leh 'Guts' hmangin Album of the Year award a la ve bawk. Rapper pahnih, Nicki Minaj leh Ice Spice-te chuan award pahnih ve ve an la a, Nicki hi Hip Hop Artist of the Year-ah thlan niin, Ice hi New Artist of the Year-ah puan a ni a, Aqua nen an thawhhona 'Barbie World' track chuan Collaboration of the Year award a la bawk a ni.

Annual award show-ah hian Lenny Kravitz chawimawiin, Music Icon Award pek a ni a, Victoria Monet-in award hi a hlan.