Henry Cavill-a'n MCU a zawm ve leh ta

Henry Cavill chu Superman anga a hun tawp mah se, superhero movie erawh bansan a la tum lo. Marvel Cinematic Universe lam a zawm ve leh thung nia sawi a ni a, DC Studio hloh chu Marvel Studio lamin a hlawkpui dawn e.

British actor hian MCU zawm tur hian a sign fel tawh a, mahse a role chan tur erawh hriat a la ni lo. Thenkhat chuan Dr Doom role chang tura tih a nih thu leh, Fantastic Four" reboot-ah misualpa angin bul a rawn ṭan dawn tihte an sawi. Mahse thuthang vek a la ni. Hetih lai hian report dang chuan Dr Doom a ni dawn lo a, role dang chang tura sawm niin a pawm tih an tarlang ve bawk.