Thailand PM-in Taylor Swift inremna siampuiah Singapore puh

Thailand prime minister Srettha Thavisin chuan Singapore sorkar chuan American pop artist, Taylor Swift chu Eras Tour a neih mekah south-east Asia-ah Singapore ni lo ram danga concert nei lo turin inremna a siampui a, hemi atan hian sum pawh a pe niin a sawi.

Taylor Swift hian Eras Tour a neih mek chu, south-east Asia-ah chuan Singapore-ah chiah a nei dawn tih a lo puang tawh a, March thla hian seat 55,000 awmna National Stadium-ah tour hi a nei ang. Singapore-ah hian show vawi ruk a nei dawn a, ticket chu hralh zawh vek a ni tawh.

Thailand Prime Minister chuan concert promoter AEG chuan Singapore sorkar hian south-east Asia ram danga concert nei lo tura ngenin, an remtih chuan subsidy USD mtd 2-3 pek an tum thu an hrilh tih a sawi. Hei vang hian Thailand-ah Eras Tour hi a neih dawn loh phah a ni, a ti. Thailand PM thusawi hi AEG lam chuan a dik leh dik loh an la sawichiang lo thung.