BTS Member J-Hope album thar a chhuak dawn

BTS member J-Hope chuan album thar, 'Hope on the Street Vol 1' a tichhuak dawn tih a sawi. He album-ah hian track paruk a awm dawn a, a docuseries part paruk awmna pawh tihchhuah a ni dawn bawk. He docuseries-ah hian J-Hope dance journey tarlan a ni dawn a, Osaka, Paris, New York, Seoul leh Gwangju-a street dancer a tawn dante tarlan a ni bawk ang.

BigHit Music chuan docuseries episode hmasa ber hi March 27 hian tichhuakin, Ningani leh Zirtawpniah episode thar tihchhuah a ni ṭhin dawn tih a sawi a, a album hi March 29-ah tlangzarh a ni bawk ang. Kum 30 mi, K-pop star hian mandatory military service a zo chiah a ni. Kum 2022 khan a debut solo album, 'Jack in the Box' a tichhuak. Pathianni kha a piancham niin, a piancham pual hian BigHit chuan a thlalak la tihchhuah ngai loh 15 zet a rawn tlangzarh bawk.