Billboard 200: Pakhatnaah Kanye West leh Ty Dolla $ign album

Rapper pahnih, Kanye West leh Ty Dolla $ign-te thawh dunna, 'Vultures 1' album chuan hlawhtlinna a hmu zel a, tihchhuah a nih aṭanga kar khat chuang hretah Billboard 200 chart-ah pakhatna dinhmun a hauh nghal.

Ye leh Ty hian February 10 khan an album hi tichhuakin, kar liam ta chhung khan US-ah equivalent album unit 1,48,000 neiin, he album-a hla 16-te chuan on-demand official stream mtd. 167.78 an nei bawk. Album sale hi 18,000 an nei bawk a ni.

Usher album thar, February 11-a a tihchhuah 'Coming Home' chu no. 2-ah awmin, equivalent album unit 91,000 a nei. Noah Kahan 'Stick Season' chuan equivalent album unit 85,000 neiin no. 5 aṭangin no. 3-ah a rawn chho. Morgan Wallen studio album pathumna, 'One Thing at a Time' chu no. 4-ah awmin, SZA 'SOS' pawh no. 3 aṭangin no. 5-ah a tlahniam ve thung.

Billboard 200 chart top 5-ah Taylor Swift chu lang lo mah se, Top 10-ah a album pathum '1989 (Taylor's Version), 'Lover' leh 'Midnights' te an la cham chhunzawm zel a, Toby Keith '35 Biggest Hit's leh no. 1 dinhmun pawh lo hauh tawh, Drake 'For All the Dogs' te an la lang bawk.