2024 WGA Awards nomination puang

2024 Writers Guild Awards chuan nomination a puang ve leh ta a, Hollywood lam nawrh huaihawt vanga hun eng emaw chen tihkhawtlai a nih hnuah, April 14 hian screenwriting, television, new media, news, radio/audi leh promotional writing category-a che ṭhate chawimawi an ni ang.

Kuminah hian kum dang ang lo takin Oscars zawh hnuah WGA Awards hi neih a ni dawn a ni. Academy Awards hi March 10-ah an nei dawn a ni.

Original screenplay category nominee-ah hian Air, Barbie, The Holdovers, May December leh Past Lives te an lang a, Adapted screenplay category-ah American Fiction, Are You There God? It's Me, Margaret, Killers of the Flower Moon, Nyad leh Oppenheimer-te an lang bawk. Documentary Screenplay category-ah Bella!, It Ain't Over, The Pigeon Tunnel, Stamped from the Beginning leh What the Hell Happened to Blood, Sweat & Tears? te chu nomimee an ni.

TV category-ah Succes-sion leh The Bear an che ṭha a, nomination pathum ve ve an hmu. Animation category lamah The Simpsons a langsar bawk a, spot panga awmah pali nominee a hauh thei a ni.