Animated series-ah Macaulay Culkin-te unau

'Home Alone' actor Macaulay Culkin chu a unaupa, Kieran Culkin animated series, 'The Second Best Hospital In The Galaxy' episode paruknaah a unau mipa dangte - Rory Culkin, Christian Culkin leh Shane Culkin-te nen an chang dawn. He animated series hi Prime Video-ah pek chhuah mek a ni.

Culkin unau zinga Macaulay (43) leh Kieran (41) te hi lemchan lamah an hlawhtling ber a, Christian (37) leh Shane (48) te hi hun eng emaw chen chu lemchan lamah thawm an nei tawh lo a ni. Unaua thawh dunnate lo nei tawh mah se, tun ṭum hian an unau mipa rual an vaia an thawhhona tur project hmasa ber a ni thung. Macaulay rawn lar chhuahna, Home Alone film franchise-ah khan Kieran hi a lang ve a, 1994 comedy film,'Richie Rich'-ah khan Macaulay naupan lai angah Rory (34) hi a lo chang tawh bawk.