Esther Khiangte hla thar a hnai

Leitlangpui nula, kum 2019-a 'Thazual Award' Best female artist gospel nominee pawh lo ni tawh Esther Khiangte chu hun eng emaw chen a reh hnuah hla thar 'Isua ka thlang' nen a lo kir dawn a, a music video thar kan hmu dawn hnai a ni.

Esther-i hi phai lamah lehkhazira a awm bo avangin a reh rei deuh a, tunah erawh hla thar a rawn nei dawn a, Ṭhazual chart lamah pawh a hming kan hmuh leh thuai a rinawm. A hla thar tihchhuah tur hi Moria Peters hla 'I Choose Jesus' tih Mizo ṭawnga lehlin niin Faka Tlangte lehlin a ni a, ASAFA Recording Studio-ah recording chu tiin music chu Taia Renthlei Provic Studio kut chhuak a ni dawn thung. Video pawh a hmuhnawm dawn a, JuGo Tlana buaipui sak niin Thenzawl leh Durtlang velah shooting neiin an zo fel tawh a, tunah hian MDM library-ah register fel tawhin TV lamah pawh kan hmu thuai dawn a ni.

Esther Khiange hlate hi YouTube lamah pawh thlir a hlawh a, thlirtu nuai chuang an awm fur mai a ni. Leitlangpui lam chhuak mah nise a pa hi BCM pastor a nih avangin tunah hian Mission Vengtlang, Aizawlah an khawsa mek a, hla thar pawh a rawn nei leh zeuh zeuh tawh mai thei.