WhatsApp-ah profile picture screenshot theih tawh dawn loh

Messaging app, WhatsApp chuan user privacy venhimna atan feature thar, user-te'n midang profile picture/display picture an screenshot theih lohna tur a rawn duang chhuak.

WABetaInfo chuan an function thar hi tarlangin, Android-a WhatsApp beta version-ah enchhin phawt a ni tih a sawi. He feature thar hmannaah hian, WhatsApp hmangtuin midang profile picture/display picture screenshot a tum chuan, a screenshot tum thlalak hnuaia 'Can't take a screenshot due to app restriction' tih inziahna notification a dawng nghal zel a ni. Rei lote hnuah WhatsApp hmangtu zawng zawngte huamtir a ni ang.

Hemi hma hian Snapchat leh payment apps Paytm leh Google Pay-te pawhin scenario ṭhenkhat, a bikin sum kaihhnawih thil chu screenshot theih lohin an lo siam tawh bawk.

Profile picture screenshot theih loha siam hian midang lem chang leh, inchhaih nawmnahna thleng ṭhin pawh a tihkiam theih beisei a ni. Meta hnuaia awm, WhatsApp hian video siam danglam leh, AI hmanga thu dik tawk lo siam ṭhin ven leh chhui chianna atan fact-checking chatbox a buaipui mek bawk. Hemi hma hian profile picture hi save emaw download emaw theih lohin a lo siam tawh bawk a ni.

WhatsApp user-te hian app menu settings-a Privacy Settings aṭangin, an profile picture view-tute hmu thei turin an hmu thei bawk a ni. He settings aṭang hian an profile information en thei turte pawh an siam thei a ni.