The Rock-a'n Ric Flair movie a siam dawn

Dwayne "The Rock" Johnson chuan wrestling idol, Ric Flair chanchin chu film-ah siam a tum tih a sawi.

WWE star hlui, kum 51 mi, The Rock hian ring pro hlui, kum 74 mi ni tawh Ric Flair chu a ngaisang tak zet tih sawiin, 'Ka hero zinga pakhat a ni' a ti. Kum 8 mi lek a nih aṭangin Ric Flair hi a hriat tawh thu a sawi a, wrestling a luhchilh ve hnuah Ric Flair a ngaihsanna chu a zual thu sawiin, a chanchin film-a a siam tur chu a tan chuan 'personal' project a ni, a ti bawk. Ric Flair hi professional wrestler hriat hlawh ber zinga mi niin, kum 50 chuang zet wrestling khawvelah hian a tel. World champion vawi 16 ni tawhin, wrestler zingah WWE Hall of Fame-a vawi hnih lak luh hmasak ber a ni. NWA Hall of Fame, Professional Wrestling Hall of Fame leh Wrestling Observer Newsletter Hall of Fame-ah member a ni bawk.