Netflix-ah Bruce Lee series a hlawhtling

Bruce Lee inspired series, 'Warrior' chu HBO Max-in season 3 zawhah a cancel a, mahse, Netflix lamah chhuah thar lehin a hlawhtling hle.

Netflix-a tihchhuah a nih hnuah, 'Warrior' hian ni thum chhung lekin view hi darkar mtd 14.1 a nei hman. Hei vang hian Netflix hian a season 4-na pawh a siam chhoh mai a rinawm viau. He series hi 1870s hun lai, Tong Wars laia San Francisco-a Chinese tong group-te inkara buaina chungchang a ni. A changtupa ber, Ah Sahm lemah Andrew Koji changin, Chinese martial artist a ni a, San Francisco-ah a farnu zawngin a pem lut a ni. Kum 2019 khan episode hmasa ber tihchhuah a ni a, HBO Max-a pek a nih hmain Cinemax-ah an chhuah phawt a ni. He action drama hi Rotten Tomatoes lamah pawh a score ṭha hle a, critics aṭangin 93% hmuin, audience lamah pawh 96% a hmu a ni.