Apple leh Reese Witherspoon thawk dun dawn

Apple TV+ chuan country music competition (zai intihsiakna) a buatsaih dawn a, hemi atan hian American actress Reese Witherspoon chu an thawhpui dawn a, executive producer a ni dawn.

He country music competition tur hi 'My Kind of Country' tih a ni a, he intihsiakna kaltlang hian music lama talent nei ṭha tak tak zawn chhuah tum a ni. Apple hian Witherspoon ta Hello Sunshine platform chu an thawhpui nghal dawn a, he platform hi hmeichhe hrang hrang chanchin tihlanna a ni.

Witherspoon hi country music competition-a Apple a thawhpui hma hian show dangah pawh producer a lo ni tawh ṭhin a, 'The Morning Show' tih leh Truth Be Told-ah te executive producer a lo ni tawh ṭhin bawk.