Olivia Rodrigo-i'n 'Guts' world tour khuh hawng

Olivia Rodrigo chuan Zirtawpni liam ta khan Palm Springs, California-ah a tour vawi hnihna leh arena tour a neih vawi khatna tur, 'Guts' world tour a khuh hawng. Tour hi US leh Europe-ah thla ruk chhung neih a tum.

Kum 21 mi, Rodrigo studio album pahnihna, 'Guts' hi kum 2023, September 8-ah a tlangzarh a, tlangzarh aṭanga ni nga hnuah tour a neih tur thu hi a puang nghal a ni. A studio album hmasa ber, 'Sour' pualin tour hi a lo nei tawh bawk. Palm Springs-a tour opening night a neihah hian album pahniha hla 22-te a sa a ni. Hemi zanah hian Chappell Roan chu opening act niin, April 2 thleng chu Rodrigo tour-ah hian opening act a ni chhunzawm ang.