Live-Action Naruto movie buaipui ṭan

Kum 2015 daih tawhah khan live-action Naruto movie siam a ni dawn tih leh, Lionsgate chuan he film siam tur hian inbiakna a neihpui nia report awm tawh mah se, tun thlengin hmasawnna erawh a la tlem hle. Mahse kum riat hnuah, Naruto live-action movie hi siam a ni thei dawn ta a, Destin Daniel Cretton chu he anime adaptation-ah hian director leh writer turin thlan a ni.

Cretton hi MCU 'Shang Chi and the Legeng of the Ten Rings' co-writer leh director a ni. Naruto creator, Masashi Kishimoto hnen aṭangin phalna pawh a dawng fel tawh bawk. Kishimoto chuan, Cretton nen hmaichhan a an inhmuh tawh thu leh, Naturo director atan chuan amah tluk an awm a rin loh thu te sawiin, a duh dan ang a sawi pawh ṭha taka lo dawngsawngin, rilru zau tak a nih thu a sawi.