Linkin Park-in Chester zaina 'Friendly Fire' tichhuak

Linkin Park chuan an hla la tihchhuah loh, an singer fam ta, Chester Bennington-a sak ngei, 'Friendly Fire' chu a music video nen kar liam ta Zirtawpni khan an tichhuak.

He hla hi band 2017 album, 'One More Light'-a telh tura an tih, an telh tak loh a ni a, April 12-a an band greatest hits album tihchhuah turah an telh dawn a ni. Band lead guitarist Brad Delson chuan 'Friendly Fire' chu 'One More Light' session-a an hla duh ber zinga mi a nih reng thu sawiin, mahse, an record-ah hian an duhthusam loh lai a awm avangin a hnu lamah buaipui zui tura an dah tak thu a sawi.

Chester Bennington hi kum 2017, July 20 khan kum 41 mi niin a thi a, Linkin Park hian a pualin hemi kum October thla khan "Linkin Park and Friends, Celebrate Life in Honor of Chester Bennington" tribute concert an buatsaih a ni. Kum 2023 February khan an hla la tihchhuah loh zinga mi, Chester zaina 'Lost' chu an lo tichhuak tawh bawk a ni.