Concert-naa sakawr hman vangin Bad Bunny sawisel

"Me Porto Bonito" rapper Bad Bunny chu a concert-na pakhatah sakawr a hman tel avangin PETA lamin an sawisel.

PETA hian video upload-in, hetah hian kum 29 mi, Bad Bunny- concert-na hmun, sakawr chunga chuanga a pan lai a lang a, a background lamah concert-naa kalte au ri leh music ring tak takte hriat tur a awm bawk. Heng thawmte hian sakawr hi a tihlau niin a lang. PETA hian Bad Bunny chu a tour neihnaa sakawr a hmang chu nunrawnthlak leh, midang ngaihtuahna nei lo niin an puh a,"Sakawr, i fan-te leh nangmah ngei pawh intihnat palh hlauhawm takin in awm a ni," an ti. Thawm bengchheng, light eng tak leh mi sang tel au ri nuaih nuaih kara sakawr lo hman chu ngaihdan ṭha niin a hria em ni? tiin an zawt let bawk. Mahse Bad Bunny hi a fan ṭhenkhat chuan a thlavang an lo hauhsak ve bawk a, sakawr chungah a rawn chuang ringawt a, hei pawh second rei lote chhung chauh a ni ti tein PETA hian an lo chhang let a ni.