Taylor Swift album thar Evermore

Taylor Swift chuan kumin chhunga a studio album pahnihna tur Evermore chu nimin khan a tlangzarh. 

Evermore hi Taylor Swift studio album 9-na a ni a, niminah vek khan Swift hian he a album thara a single hmasa ber Willow chu a tlangzarh zui bawk a, YouTube leh streaming service hrang hrangah hmeh chhuah theihin a awm tawh a ni.

July 24 khan Swift hian a studio album pariatna Folklore chu a tlangzarh a, a hit pawh a hit hle. Thla nga em pawh a ral leh hmain Evermore hi a tlangzarh leh ta a ni. Bon Iver, Haim leh National-te chu he a album tharah hian a thawhpui a, Folklore ang bawkin puangzar lawk lem loin a album hi a tlangzarh leh a, hralh erawh a kal leh nghal hle ang tih a chiang.

Evermore-ah hian track 15 a awm bakah deluxe physical edition track pahnih a awm tel bawk a, a hla title track Evermore-ah hian a album hmasaa a lo thawhpui tawh Bon Iver chu a thawhpui leh bawk.

Taylor Swift hian Ni­nga­ni khan album thar a tlang­zarh tur chungchang social media kaltlangin a puang chauh a, Folklore sister record a nih thu leh an ram huna zanlaiah tlang­zarh a nih dawn thute a sawi a ni.