Billboard 200-ah Ye leh Ty-te'n hma an hruai chhunzawm

Billboard 200 album chart-ah Kanye West leh Ty Doll $ign chuan 'Vultures 1' hmangin hma an hruai chhunzawm a, kar hnih chhung no. 1-ah an awm ta.

Ye leh Ty thawh dunna album hian kar liam ta chhung khan equivalent album unit 75,000 a nei a, a kar hmasa aiin 50% zetin a tlahniam thung. Album-a hla 16-te hian on-demand official stream mtd 95.25 an nei a, album sale 2,000 an nei bawk.

No. 2-ah Yeat album thar, '2093' a rawn lang a, equivalent album unit 70,000 a nei. Morgan Wallen 'One Thing at a Time' chuan equivalent album unit 64,000 neiin no. 3-ah a rawn chho leh a, Noah Kahan 'Stick Season' chu no. 4-ah a tla thla thung. Top 5 hi equivalent album unit 46,000 nei,SZA 'SOS' chuan a rawn khar.

Billboard Hot 100-ah sawi hlawh tak, Beyonce Knowles hla thar, 'Texas Hold 'Em' chu no. 1-ah a rawn lang bawk a, chart-topping song pakua a neihna a ni ta. He hla hi Hot Country Songs Chart-ah no. 1 a lo nihpui tawh a, mihang hmeichhia zingah he dinhmun thleng thei hmasa ber a ni. Country hla a sa hi mi tam takin lawm viau mah se, sawisel pawh a tawk nasa a, a larna hmanga country genre lama hming chher tuma puhte an awm a ni.