Disney Film President Sean Bailey a bang

Sean Bailey chu kum 10 chuang zet Walt Disney Studios Motion Picture Production president dinhmun a chelh hnuah a bang a, amah thlaktu atan hian Disney Searchlight Pictures hotu David Greenbaum chu ruat nghal a ni.

Bailey hian kum 2010 aṭang khan Disney live action film lam hi a enkawl a, a enkawl chhung hian Disney film tihchhuah zingah USD tld 1 la lut pha, 'The Lion King', 'Beauty and the Beast' leh 'Alladin' te an awm. Hei bakah hian “The Little Mermaid,” chuan USD mtd 569.6 a la lut bawk. Hetih lai hian nikuma an film tihchhuahte erawh an che ṭha lo hlawm hle a, heng zingah hian theme-park-ride inspired 'Haunted Mansion' pawh a tel a ni. Nikum August thla khan CEO Bob Iger chuan investor-te hnenah an company movie siamte quality ṭha zawka siam tura hma an lak tur thu pawh a lo hrilh a ni. Disney chuan Bailey hi 'Trons : Ares' leh project dangah producer a la nih tur thu an sawi nghal bawk.