Taylor Swift, Ariana Grande, Khloe Kardashian-te'n J-Lo film-a inlan tura sawmna an hnar

Jennifer Lopez chuan album puala a musical film siam,'This is Me..Now' a inlan tura A-lister eng emaw zat a sawm a, mahse, a sawm zinga tam tak chuan a lo hnar a, a hnartu zingah hian Taylor Swift, Ariana Grande leh Khloe Kardashian-te pawh an tel. Hetih lai hian Kim Petras, Post Malone, Keke Palmer, Sofia Vergara, leh Jane Fonda te erawh an inlan dawn thung.

J-Lo hian a film-ah hian Jennifer Coolidge leh Jason Momoa pawh inlan tura a duh thu a lo sawi lang tawh a, mahse, anni pawh hi an inlan thei dawn lo a ni. Mi tam takin a sawmna an hnar chungchangah, J-Lo chuan an hlauhthawn vang nia a ngaih thu a sawi. 'This is Me..Now' trailer hi January khan a lo tichhuak tawh a ni. 'This is Me..Now' album hi J-Lo studio album pathumna niin, kum 2022 November thla khan a tichhuak a ni.