Sum 41-in farewell tour nei ṭan

Canadian rock band, Sum 41 chuan Thawhlehni khan Seoul, South Korea-a YES24 Live Hall-ah farewell tour an ṭan. March thla hian Pacific Rim-ah tour hi chhunzawmin, April thlaah North American tour an nei ang.

Sum 41 hian an studio album hnuhnung ber tur, double album 'Heaven :x: Hell' chu March 29 hian an release dawn bawk. Tour an neihnaah hian hla 25 sain, an hit hrang hrangte bakah an hla tharte an sa dawn a, Queen cover pawh an ti tel ang. An band hi kum 1996-a din niin, kum 2003 khan Juno Awards-ah Group of the Year leh, 2005-ah Rock Album of the Year te an lo dawng tawh a, an hla 'Blood in My Eyes' hmangin Grammy Award for Best Hard Rock/Metal Performance-ah nominate an lo ni tawh bawk.