Country music khawvela mi ropui merle haggard Khawvelin ui takin a thlah liam

'Lonesome Fugitive' sawi ringawt pawhin mi tam tak chuan sawi belh ngai loin Merle Haggard chanchin kan rilruah a lang nghal uar uar thei. Hetiang khawpa country music khawvela mi ropui, hnuhma ngah, hla lar ngah hi Nilaini khan khawvel chuan a chân ta.

Nilaini kha a pian champha phak, a kum 79-na chiah a ni a, hemi ni hian Haggard chu pneumonia avangin California-a a inah khawvel a chhuahsan ta a ni. Nikum December thla khan pneumonia avangin damdawi inah dah luh a ni a, eng damdawi in ber nge tih erawh sawi lan a ni lo. Hemi hnu hian a rawn ṭha chhuak deuh a, mahse concert a neih tur, a hmachhawp te erawh sawn hlat vek a ni thung. March thla khan damdawi inah dah luh leh a ni a, hei vang hian April thlaa concert a neih turte pawh cancel vek a ni. A natna avang hian Palo Cedro, California-a a inah Nilaini khan a thi ta a ni.

April 6, 1937-a piang, Merle Ronald Haggard hi music khawvel ngaihven ve îk tan chuan hriat loh rual a ni lo a, a dam chhung hian country chart hrang hranga pakhatna hauh thei hla 30 chuang zet a nei a ni. Hetiang hi a hlawhtlinna ni mah se, a hun hmasa lam erawh a khirhkhan a, hun harsa tak a paltlang.

A pian hma hauh aṭangin harsatnain an chhungkua a nangchîng a ni ber mai; Indopui I zawh hlim khan khawvelin sum leh paia harsatna namen lo a tawk a, chu hun chu Great Depression an ti a, a tuar nasatu zingah Haggard chhungkua pawh an tel. Oklahoma-a Checotah-a khawsa an ni a, an ran vulhna hmun zan khat thil thua a kan ral vek avangin eizawnna ṭha zawk beiseiin a nu leh pate chu California-ah an pêm a, chu chu kum 1934 kha a ni. A hnu lawkah, 1937-ah Merle chu a rawn piang a, kum 9 chauh a nihin a pa chu stroke avangin a boral zui ve leh a ni. A nu chuan a fate châwm tura a chhuah a ngai a, in lamah enkawltu an neih loh avangin Merle chuan suahsualna kawng a rawn zawh chho a; kum 13 mi lek a nihin rukruk thilah man a ni a, naupang enkawlna hmunah dah a ni. Hemi hnu pawh hian tun thlenga tân in lar, San Quentin State Prison-ah te hun a hmang a, he jail-a a tân lai aṭangin a zaithiamzia hi hriat a ni chho ṭan a ni.

Jail aṭanga a chhuah hnuin club-ah te mi zai puiin hun a hmang a, kum 1962 khan 'Singing My Heart Out' hla a tichhuak a, a hlawhtling lo hle. Khawvelin a hriat tak takna chu kum 1966-a 'I'm Lonesome Fugitive' a tihchhuah kha a ni a, chart-a pakhatna a hauh hmasakna ber a ni. Hemi hnu hian chart-a pakhatna hauh thei hla dang 37 a nei zui a, a hnuhnung ber chu kum 1987-a mi 'Twinkle, Twinkle Lucky Star' kha a ni.

A album hmasa ber 'Strangers' chu kum 1965 khan a tichhuak a, US Billboard chart-ah pakuana a luah thei a, hemi hnu hian album 48 zet a tichhuak leh a, a album hnuhnung ber hi kum 2011-a a tihchhuah 'Working in Tennessee' a ni. Hei bakah hian midang nena album insiam ṭawmin an tichhuak nual bawk. Heng album a tihchhuah tawhte zinga paruk chu US Country Album chart-ah pakhatnaah an awm thei.

Miin Haggard hi Country singer zinga thiam ber a ni an ti ṭhin a, an tih nachhan chu a hla sakah reng reng a chêng a, ama chanchin sa ang mai a ni an ti. Hla thu un leh hriat harsa a hmang ngai lo a, tam tak phei chu a phuah pawh an ni chuang lo. Mahse a hla sak reng rengah, a hla thu harsatna rawn langte ama tawn tak tak emaw tih mai tur a ni a, chutiang bawkin hla hlimawm lam a nih pawhin ama nuna hlimna kha a rawn sa chhuak emaw tih tur a ni bawk ṭhin.

Lai ah hming Merle Ronald Haggard

Kohna dang Hag

Pian hun April 6, 1937

Pianna Oildale, California, U.S.

Thih hun April 6, 2016 (kum 79)

Thihna hmun Palo Cedro, California, U.S.

Genres Country, outlaw country, Bakersfield sound

Billboard-a pakhatna a hauhnate

"The Fugitive/Someone Told My Story," March 4, 1967, 1

"Branded Man," Sept. 2, 1967, 1

"Sing Me Back Home," Jan. 20, 1968, 2

"The Legend of Bonnie and Clyde," April 27, 1968, 2

"Mama Tried," Aug. 31, 1968, 4

"Hungry Eyes," May 10, 1969, 1

"Workin' Man Blues," Aug. 16, 1969, 1

"Okie From Muskogee," Nov. 15, 1969, 4

"The Fightin' Side of Me," March 14, 1970, 3

"Daddy Frank (The Guitar Man)," Nov. 20, 1971, 2

"Carolyn," Jan. 15, 1972, 3

"Grandma Harp/Turnin' Off A Memory," May 13, 1972, 2

"It's Not Love (But It's Not Bad)," Nov. 4, 1972, 1

"I Wonder If They Ever Think of Me," Feb. 17, 1973, 1

"Everybody's Had the Blues," Aug. 25, 1973, 2

"If We Make It Through December," Dec. 22, 1973, 4

"Things Aren't Funny Anymore," May 4, 1974, 1

"Old Man From the Mountain," Aug. 24, 1974, 1

"Kentucky Gambler," Jan. 18, 1975, 1

"Always Wanting You," April 12, 1975, 2

"Movin' On," July 12, 1975, 1

"It's All in the Movies," Nov. 29, 1975, 1

"The Roots Of My Raising," March 13, 1976, 1

"Cherokee Maiden/What Have You Got Planned Tonight," Nov. 6, 1976, 1

"Bar Room Buddies" (Merle Haggard and Clint Eastwood), July 26, 1980, 1

"I Think I'll Just Stay Here and Drink," Jan. 10, 1981, 1

"My Favorite Memory," Nov. 28, 1981, 1

"Big City," April 10, 1982, 1

"Yesterday's Wine" (Merle Haggard/George Jones), Oct. 9, 1982, 1

"Going Where the Lonely Go," Jan. 15, 1983, 1

"You Take Me for Granted," May 28, 1983, 1

"Pancho & Lefty" (Willie Nelson/Merle Haggard), July 23, 1983, 1

"That's the Way Love Goes," Feb. 11, 1984, 1

"Someday When Things Are Good," June 9, 1984, 1

"Let's Chase Each Other Around the Room," Sept. 22, 1984, 1

"A Place to Fall Apart" (with Janie Fricke), Feb. 2, 1985, 1

"Natural High," June 8, 1985, 1

"Twinkle, Twinkle Lucky Star," Feb. 20, 1988, 1