'The Crow' official image tlangzarh

1994 cult classic, Brandon Lee channa 'The Crow' movie siam thar leh turah official image hmasa ber chu Lionsgate chuan Ningani khan an tichhuak a, Bill Skarsgård chu Crow a ni dawn.

'The Crow' siam thar hi kum eng emaw zat an buaipui hnuah an tipuitling thei ta a ni. He film-ah hian Skarsgård chu musician Eric Draven niin, a nupui hual Shelly role chu FKA Twigs-in a chang a ni. An inneih hma zanah an pahnih hian thah an ni a, phuba la turin Draven hi supernatural crow-ah a rawn chang a ni. He film hi June 7 hian theatre-ah tihchhuah hman tum a ni. 1994-a tihchhuah, The Crow original film hi James O'Barr-a ziah, 1989 comic book series behchhana siam a ni a, he film-a a changtu ber, Bruce Lee-a fapa, Brandon Lee chu film chan laiin tihpalh thilin kah hlum a ni. A original film hi USD mtd 23 senga siam a nih laiin, a sum lak luh hi USD mtd 94 zet a tling.