Zayn Malik-a'n country album siam a tum

Zayn Malik chuan a music genre thlakin, country lam a hawi dawn a, a studio album siam thar chu country album a ni dawn nia sawi a ni.

One Direction star hlui, Malik hian a album thar tur hi a hmaa a lo tihchhuah tawhte nen a in ang dawn lo hle tih chauh a sawi a, mahse country music producer Dave Cobb nen an thawhdun mek avangin a country album a siam dawn nia sawi pawh hi a dik ngei pawh a rinawm. Dave hian mi lar tak tak - Chris Stapleton, Brandi Carlile, John Prine, Sturgill Simpson, Jason Isbell-te album pawh a lo produce sak tawh a ni.