April 19-ah 2nd Mizoram Film Awards sem dawn

Mizoram sorkarin film enkawltu atan a tih, Information and Public Relations Deparment leh Mizoram Film Development Society-te ṭangkawp chuan April 19, 2024 zan hian Vanapa Hall-ah 2nd Mizoram Film Awards, 2024 an sem chhuak dawn. A vawi khatna hi kum 2017 khan an lo sem tawh a ni.

Film Awards hi caterogy 26-ah sem a ni dawn a, Award tin hian lawmman - Trophy, Certificate leh Cash Prize a keng tel dawn a ni. Tun ṭuma award sem tur hian October, 2017 - February, 2024 inkara Mizo film chhuak tawh zawng zawng a huam ang. Film theh lut turte tan March 15, 2024 thleng Film copy (full HD quality & poster) chu address tarlanah hian a thehluh theih a ni - VL Pianruala,chairman Film Awards Sub-committee; Dr Louis Huahnar, treasurer MFDS leh Nodal officer, I&PR Dept, Treasury Square Aizawl.

2nd Mizoram Film Awards atana category siamte chu - Best Feature Film (based of CBFC-72 mins & above), Best Short Feature Film (based on CBFC-below 72 mins), Best Horror/Thriller Film, Best Educational Film, Best Director, Best Script, Best Actor,Best Actress, Best New Actor, Best New Actress, Best Supporting Actor, Best Supporting Actress, Best Child Artist, Best Villians Actor, Best Villian Actress, Best Male Comic, Best Female Comic, Best Action Director, Best Costume Design, Best Make-up, Best Cinematography, Best Editing, Best Dialogue, Best Original Soundtrack, Best Music Video, Lifetime Achiement te an ni.