Hmuhnawm leh zirtir nei ṭha tur Nunna Thar Hma an la ṭan ta

Hun eng emaw ti aṭanga hma an lak tawh, sum harsatna avanga an chhunzawm lawk theih loh Nunna Thar film chu a chan an
ṭan a, hma an la chho ṭan ta.

Nunna Thar film an buaipui mek hi a original soundtrack tur pakhat, 'Nunna Thar' tih hla chu Andrew Laltlankima'n sain, tihchhuah a ni tawh a, a hit hle nghe nghe. Tunah hian a film tam tak chu siam ṭan a ni ta a, a hmuhnawm a rinawm a, a zirtir pawh a ṭha ang.

Nunna Thar film siamtute aṭang hian en a chakawm tawh hle. Film lama Mizotena kan hriat lar, music video pawh eng emaw zat, a ṭha ber berte zinga mi lo siam tawh ṭhin, Mapuia, Leitlang Pictures leh, tunlaia music video siamtu, Siama Video Production leh CK Hyundai tena an siam tur a ni. Mapuia hi Director a ni a, Siama hi Director of Photography niin Joseph hi Producer a ni.

Nunna Thar a ni a, hei hi thil tak tak behchhana siam tur a nih avangin thlir a ch‚kawm tawh a, ṭhalaite tana beiseina thar petu a nih ngei a rinawm a ni. A kalhmang turah chuan mi pakhat, a ngaihzawng nena an inṭhen hnua rilru hrehawmin ruihhlo a khawih chanchin leh a tawpa Pathiana nunna thar a neih chanchin a ni dawn a ni.

A changtu hi pali an awm dawn a,Andrew-a a chang dawn a, ani hian chanpui deuh bik a nei ang a, chu chu Jenny a ni ang a, Thanglunghnemi Zaiah khan ani hi kan hmu tawh a ni. Mamuani a chang ang a, Tapuia (cyclist)a chang bawk ang. Kum 1985 hunlai vela thil thleng anga chan tur a nih dawn avangin a hautak dawn hle.