Asia-a hmeichhe thiltithei ber Nita Ambani

Forbes chuan Asia-a sumdawng hmeichhia thiltithei berah Nita Ambani a thlang chhuak. Forbes hian sumdawng hmeichhe 50 hming, Asia-a mite a thlang chhuak a, Ambani hi thiltithei ber niin, Indian hmeichhe dang pasarih an lang tel.

Asia's 50 Power Businesswomen-a pakhatna. Nita Ambani hi khawvel huap pawha mi hausa, Mukesh Ambani nupui a ni a, Reliance-in CSR an kalpuiah khan a meizanghlaptu a ni a, hei bakah hian India rama thingtlang mite tihhmasawnna kawngah hma a la nasa hle. Amah hi Gujarati a ni. A thiltih langsar zual zingah chuan Dhirubhai Ambani International School (DAIS) a din te, Dhirubhai Ambani Scholarship Programme a siamte hi a ni a, zirlai tam takin hlawkna leh hmasawnna an dawn nasat phah hle.

Hmeichhe thiltitheia pahnih pawh hi India mi tho a ni a, SBI Chairman and Managing Director Arundhati Bhattacharya a ni. India hmeichhe lang dangte chu Mu Sigma CEO Ambiga Dhiraj (14), Welspun India CEO Dipali Goenka (16), Lupin CEO Vinita Gupta (18), ICICI Bank Managing Director & CEO Chanda Kochhar (22), VLCC Health Care Founder leh vice chairman Vandana Luthra (26) leh Biocon Founder, Chairman & Managing Director Kiran Mazumdar-Shaw (28) te an ni.

Vietnam nu, tlereuh hmanga hlawhtling, Cao Thi Ngoc Dung chu pathumna a ni a, ani hian kum 1998 khan Phu Nhuan Jewelry a din a, a tir chuan dawr pakhat a nghak ve ran ṭhin a, tunah chuan dawr 200 chuang nei tawhin thawktu pawh 3000 chuang zet a nei tawh. Kum 2015 chhung khan a hlep chhuah chauh pawh USD mtd 23 zet a tling.

Palinaah hian Thai nu Somruedee Chaimongkol a lang. Ani hi kum 54 mi chauh a a ni a, Banpu-a an CEO a ni; Banpu hi Asia chhimchhak rama energy company lian berte zinga mi a ni. Hong Kong nu, Sabrina Sih Ming Chao chu pangana niin, Wah Kwong Maritime Transport Holdings-a an chairman a ni.