t.A.T.u. star a zai thei tawh dawn lo

Gomenesai' tih hla avang ringawt pawhin t.A.T.u. hi tute nge an nih inhrilh tehchiam a ngai lo; Russian electronic-punk duo-a pakhat zawk, Julia Volkova chu a hrawk cancer an zai avangin a aw chhe hlen ta a, zai chhunzawm leh chi a ni tawh lo.

Kum 31 mi Julia Volkova hi kum 2014-a Sochi Olympic-a zai kha thil lian thama a zai hnuhnung ber a ni ta. Thyroid cancer a neih avangin hun eng emaw ti aṭang khan a lo buai tawh a, zai a ngai a, an zai a, tunah chuan zaina turin ‚w a nei tawh lo a ni.

A khawngaihthlak hle. "Min zai zawh chuan ka mit ka meng a, ka ṭawng ṭan a; mahse aw ka nei tawh lo, doctor-tena an tihsual vang a ni. Ka vocal nerve an tichhe tel a ni," a ti. Hetiang hi ni mah se, beisei bo ṭhak a ni lo a, vocal nerve hi tih ṭhat theih dan a la awm a, Volkova hian South Korea lamah inenkawl a, vocal nerve siamṭhat a tum dawn a ni. An lar vanglai chho khan lesbian anga sawi a ni a, mahse Volkova chuan a fapa hian gay a ni tih sawi ta chiah se chuan a dem hle ang tih sawiin, "Mipa chu mipa a ni tur a ni" a ti.