PETA-in Victoria Beckham fashion show tibuai

Animal rights activist-te chuan Paris Fashion Week-a Victoria Beckham fashion show neih tibuaiin, ramp-a model-te catwalk laiin thuziakte kengin an lo kal ve.

People for the Ethical Treatment of Animals group (PETA) chuan fashion industry-a ramsa vun an hman ṭhin duh lohna an lantirna a nih thu an sawi. Victoria Beckham hian a thawmhnaw siamah ramsa vun hi an hmang ngai lo a, mahse, an bag design ṭhenkhatah leather hi an hmang niin PETA chuan a sawi. PETA campaigner-te hian global fashion event hrang hrang - New York, London leh Milan-a neih ṭhin chu fashion industry-a ramsa vun hman duh lohna lantirin an lo tibuai fo tawh ṭhin.