BRIT Awards : 2024-ah RAYE a langsar

UK-a music awards ngaihhlut ber, BRIT Awards 2024 chu Inrinni liam ta zan khan London-a O2 Arena-ah sem a ni a, singer-songwriter RAYE a che ṭha fal a, nomination pasarih a hmuh aṭangin pangaah winner a ni a, award sem hma hian Songwriter of the Year atan thlan a ni lawk tawh bawk. Australian pop icon, Kylie Minogue chu Global Icon Brit Award hlan a ni bawk.

BRIT Awards 2024-ah hian nomination-ah hmeichhia an lang tam zawk a, hei hi he award-ah a thlen ṭum khatna a ni nge nghe. Award dawngtu lamah pawh hmeichhia an langsar zawk a, Dua Lipa chuan Pop Act Award dawngin, hei hi BRIT Award pasarih a lakna a ni ta.

Show hi Clara Amfo, Maya Jama leh Roman Kemp-te'n an host a, Red Carpet lam chu actor Layton Williams leh KISS FM presenter Harriet Rose-te'n an host thung.