Baby Malsawmtluangi thla hnih hnua pakhatna

March thla tir khan a music video hi kan hmu chauh a, mahse Idol alumni Baby Malsawmtluangi hian pakhatna dinhmun luah turin hun a mamawh rei lo. Hontrade International Ṭhazual Faknaah thla hnih hnuah pakhatna a rawn hauh.

Baby Malsawmtluangi hian 'Ka hlau lovang' tih hla hmangin Hontrade International Ṭhazual Faknaah hian pakhatna a rawn hauh a, Ṭhazualah hian February thla aṭang khan kan hmu ṭan a ni. February ni 1 khan 10-naah bul a rawn ṭan a, Febraury 15 khan pakuanaah a chho a ni. Pakhatna dinhmun thleng tur hian a hmanhmawh lutuk lo a, hma a sawn bek bek a, chu chu pakhatna hauhna tur chuan a t‚wk reng.

February 29 khan panganaah a rawn kai a, March thlaa chart tihchhuah hmasak berah khan palina kaiin, March 28 khan pahnihna a thleng der tawh. Pahnihnaah vawi khat a awm hnuah pakhatnaah a rawn inhlangkai ta a ni.

Temi Sailo chu pahnihnaah a rawn kai chho a, a hma khan palina a ni a, a rawn zuang sang hle a, Vohbik pawh a rawn zuan khum. Pakhatnaah ṭum hnih an awm hnuah Vohbik chu pathumnaah an tla thla a, One in Christ chuan 'Ni Thar' hmangin dinhmun thar an rawn kai bawk a, parukna aṭangin palinaah an rawn chho a, pasarihna aṭangin Pensy chu panganaah a rawn kai leh bawk.

Chris MS Dawngkima hla 'Thinlungin ka fak ang che' tih chu sawmnaah a rawn kai thar a, Amtea hla 'Ka thlang ber che' tih pawh top 10-ah a rawn lang thar a, pakuanaah a ṭhu. Omomi Khiangte leh Emily Vanlaltluangi te chu top 10 aṭangin an chhuak.

Hontrade International
Ṭhazual Fakna 10

1 Baby Malsawmtluangi - Ka hlau lovang

2 Temii Sailo - Ka lungawina Isua

3 Vohbik - Jordan lui

4 One in Christ - Ni Thar

5 Pensy- Duhthlanna ruamah

6 Grace Lalchhanhimi - Rorelna ni

7 Mawitei - A thlamuan ang che

8 Vohbik - Ṭawngṭai theihnghilh suh

9 Amtea - Ka thlang ber che

10 Chris MS Dawngkima - Thinlungin ka fak ang che