Kanye West-a album a hit Stapleton-a'n ACM a chhawr ṭangkai

US Billboard album chart lamah chuan Kanye West album thar 'The Life of Pablo' a hlawhtling a, chutihrual chuan country singer Chris Stapleton chuan Academy of Country Music Awards-a Best Singer a lak a chhawr a, a rawn invawrh snag hle.

Kanye West album thar 'The Life of Pablo' hi kar liam ta chhung khan copy 94,000 zet a hralh a, mahse album pangngaia a hralh chhuah erawh a tlem hle. Nielsen Music-in a chhiar dan chuan Kanye West hian album pangngaiin copy 28,000 chauh a hralh a, a bak hi chu album tlukpui a ni. Hetiang zat album pang≠ngai ni loa a hralh theih dan hi, kar liam ta chhung khan US-ah ringawt vawi maktaduai 99 an stream tihna a ni. Streaming tam zawk hmanga pakhatna rawn luah hmasa ber a ni.

'The Life of Pablo'
aṭang hian music khawvela Kanye Wes-a ropuizia a lang. He album hi Billboard album chart-a pakhatna hauh thei album a neih pasarihna a ni. A album tihchhuah tawh zingah, kum 2004-a a tihchhuah 'The College Dropout' chauh kha a album puitling (full length) zinga pakhatna luah thei lo awm chhun a ni a, kha album kha pahnihna a ni.

Chris Stapleton-a album 'Traveller' hi Billboard album chart-ah chuan hniam lam a pan mek a, mahse kar kaltaa ACM Awards an sem
ṭuma Best Singer a lak avangin he album hi nasa takin a rawn invawrh sang leh a, pahnihnaah kan hmu leh. Travellers album hi kar liam ta chhung khan copy 73,000 hralh a ni.

Billboard album chart

"The Life of Pablo" - Kanye West (94,000)

"Traveller" - Chris Stapleton (73,000)

"Lukas Graham" - Lukas Graham (59,000)

"Weezer (White Album)" - Weezer (49,000)

"Twenty88" - Twenty88 a.k.a. Big Sean and Jhene Aiko (49,000)

"Anti" - Rihanna (48,000)

"Mind of Mine" - Zayn Malik (44,000)

"Purpose" - Justin Bieber (41,000)

"25" - Adele (36,000)

"Blurryface" - Twenty One Pilots (30,000)