ZORO ṭhalaiten kut an nei dawn

Vawiin chawhma dar 11 aṭang hian ZORO ṭhalaite chuan Vanapa Hall-ah ZORO Ṭhalai Kut an hmang dawn a, Zofa inunauna tuipuitu zawng zawngte tel turin an sawm. ZORO Ṭhalai Kutah hian zaithiam hrang hrang an zai ang a, Aizawl khaw chhunga college zirlaite pawhin hun an hmang ang a, zirlai ṭhahnem tak an tel ang. Zai tur zingah hian Marina Varte, HC Sanglura, Priscilla Fanai, Zomuanpuii leh midang te beisei an ni a, minister Zodintluanga chu khuallian tur a ni. ZORO hian Zo hnahthlakte inunauna thupuia hmangin nasa takin hma an la mek a ni.