C. Sanga leh daduhi Music video an siam mek

Mizo mipaa zaithiam kan neih ṭhat berte zinga mi leh, a hunlaia Mizoram hmeichhe zaithiam ber tih ngam, a album tihchhuah reng reng pawh, kar khat chhunga copy sang chuang hralh ṭhin Daduhi Khiangte te chuan music video thar an buaipui mek a, ngaihthlak a, en a chakawm tawh hle.

C. Sanga hi Mizoramah a awm a, kan hria a, Daduhi thung hi London, UK-ah a awm mek thung a, hetiang hi a nih avangin an music video siam tur pawh hi a buaithlak hle a, heng laia shot zawh vek theih a ni lo. C. Sanga chuan, "Keiin hetah video tur hi kan shoot a, ani, Daduhi hian an khaw lamah a lo ti ve bawk a, a zawh hunah a rawn thawn ang a, hetah kan edit a ngai dawn a ni," a ti.

C. Sanga leh Daduhi te music video siam mek hi 'A zual zel si' tih hla a ni a, Daduhi album hnuhnung berah khan a awm. Kum 2005-a an record daih tawh a ni a, audio chauh a ni a, tlÍm tlÍm siam ṭhat a, thuamṭhat a ni. He hla hi Joseph Zaihmingthanga phuah a ni a, music track hi PB Lian≠hminga kutchhuak a ni.

"A hla hi a ṭha a, audio-a dah ringawt chu a uiawm≠in kan hria a, video-a siam hi kan titlu ta a ni. April thla hian kan peih hman ang em aw...ka hre lo a, kan tichhuak hman lo a nih pawhin May thla hi chuan kan tichhuak tawh ngei ang," a ti.

C. Sanga hi tunah hian Young Lai Association Conference hmanpui turin a kal a, a zai dawn a ni. Hemi hnu hian Chhimtuipui lam zaiin a fang bawk dawn.