Khawvel pumah sakei a pung

Ramsa tlÍm, nasa taka humhalh mek, keipui (tiger) chu an dinhmun a ziaawm a, environmentalist te an lawm hle. Kum 2010 chhiarpui aiin kumina an chhiar lehah khawvel pumah keipui an pung.

A vun leh ruk te hralh sum atana veh leh kah r˚k an ni reng nachungin, khawvel hmun hrang hrangah nasa taka keipui humhalh chuan rah ṭha a chhuah mek a, kum 2010 khan khawvel pumah keipui 3,200 an awm a, kumina an chhiar lehah chuan 3,890 an awm tawh thung. An punna hi za zelah 22 a ni.

India hi khawvela sakei awm zawng zawng deuh thaw chÍnna hmun a ni a, a pun pawh an pung nasa hle. Kum 6 chhung hian keipui hi 500 vel zetin India-ah an pung. India mai bakah Russia, Nepal leh Bhutan-ah te lawmawm thamin an pung a, hetianga an punna chhan chu humhalhna kawngah hmalakna a chak t‚k vang a ni.

Global Wild Tiger Status chuan khawvel puma keipui tam lam, 3,890 hi Myanmar chhiar tel loh a ni tih an sawi a, Myanmar-ah hian chhiar mek a ni a, a zat la hriat chiah a ni lo a, chuvang chuan tuna mi ai hian a tam zawk ang. Kum 2010 khan Myanmar-ah hian keipui, sahuana dah loh hi 85 an awm.

India hi keipui humhalh kawnga hma la nasa ber zinga mi a ni a, tun fiscal year chhung hian keipui humhalhna tur hian cheng vaibelchhe 380 zet dah a ni. Kum 2010 khan Russia-ah Tiger Summit neih a ni a, heta ṭang hian keipui chÍnna ram hrang hrangten keipui an pun zel theih nana thawhho a, hmalak an remti tlang a, chu chuan rah ṭha a chhuah a ni.