Film-in ṭanpuina dawng

Mizo film siamtute leh tuipuite tan hamṭhatna a awm ve hret hret a, Mizo film pahnih siamtu pahnih B. Lalthlengliana leh Rita Malsawmi te chuan Nodal Dept, I&PR aṭangin, Mizoram Film Development Society (MFDS) kaltlangin Rs. 40,000 ve ve an dawng. B. Lalthlengliana (Thangkura tia hriat lar) hian feature film 'Chhinlung chhuak unau za kan ni' tih film a siam a, Rita Malsawmi hian 'Serial Killer' film a siam thung.

Mizoram sorkar chuan film siamtute hmakhua ngaiin budget hran neiin, Information & Public Relations Department kaltlangin a enkawl a, MFDS-a inziak lut, film siamtute hnenah, an film siamna atan ṭanpuina a pe ṭhin a ni.