Billboard Music Awards Nominee an puang chhuak

US-a chart rintlak ber leh teh nan bera an hman, Billboard chuan an chart behchhana award an siam, Billboard Music Awards chu nomination list tihchhuah a ni a, Drake, Fetty Wap, Ed Sheeran, Rihanna, One Direction, Ariana Grande, Silento leh Madonna te hming kan hmu a, mahse lang tam ber erawh an ni lo.

Mimala langsar ber erawh chu The Weeknd a ni a, nomination 19 zet a hmu a, Justin Bieber chu nomination hmu hnem ber dawttu niin 12 a hmu a, Taylor Swift leh Adele chuan pariat ve ve an hmu thung. Drake leh Fatty Wap te hian 11 ve ve an hmu a ni.

The Weeknd, Justin Bieber, Drake leh Adele te hi Top Artist-ah an hming a tlar thla a, Fetty Wap hi OMI, Charlie Puth, Silento leh Bryson Tiller te hi Top New Artist-ah an lang.

Male Artist-ah Justin Bieber, Drake, Fetty Wap, Ed Sheeran, leh The Weeknd te an inel dawn a, hmeichhe lamah thung chuan Adele, Selena Gomez, Ariana Grande, Rihanna leh Taylor Swift te hming a tlar. Dou/ Group-ah hian Maroon 5, One Direction, Twenty One Pilot, The Rolling Stones leh U2 te an ni a, an hlawhtlin lai a ni mek hlawm.

Billboard Music Awards nomination list an puan chhuahnaah Ciara a che chhia a, rapper Future-a hming lam danah a buai tlat. BMA hi Good Morning America aṭanga puan a ni a, Ciara leh Future hi lo inngai≠zawng tawh ṭhin a, hei vang hian a ex hming lam hi a hreh pawh a ni mai thei. Best Rap Artist hming a puang chhuak a, Drake te, Fetty Wap, Wiz Khalifa leh Silento te hming chu pangngai takin a lam thei a, mahse Future hming sawi rik dawnin a buai a, Ludacris a fing hlauh a, a rawn lam chhuahsak ta thung. A mualpho ṭep a ni.