Box Office-ah Dune 2 thawm a ring

North American box office lamah hun eng emaw chen boruak nei lian tak an awm loh hnuah, Dune 2 chuan boruak a rawn kai harh a, box office lam thawm pawh a rin phah hle.

2021 movie sequel hi Hollywood lam nawrh huaihawt avangin tihchhuah hun pawh tihkhawtlai a ni a, ngaihven a hlawhin beiseina pawh a sang hle. A rawn chhuah meuh chuan mipui beisei a rawn pha hle a ni. Director Denis Velleneuve pawhin cinematic genius tih a hlawh phah hial.

Timothee Chalamet leh Zendaya Coleman-te channa, sci-fi movie hian critics review pawh a hmu ṭha hle a, Rotten Tomatoes-ah rating 94% zet hmuin, audience lam pawhin CinemaScore-ah grade A an pe bawk. Tlangzarh kara US leh Canada aṭanga a lak luh hi USD mtd 81.5 niin, khawvel huapa a lak luh hi USD 178.5 a tling der a, a kar khatnaah hian a budget USD mtd 190 pawh an tlin chho thei ṭep a ni.

Kar hnih chhung no. 1 dinhmun lo hauh tawh,"Bob Marley: One Love" chu no. 2-ah tla thlain, USD mtd 7.4 a lak luh belh leh. Pathumnaah USD mtd 3.85 la luttu, 'Ordinary Angels' awmin, 'Madame Web' leh 'The Chose : S4 Episodes 7-8' te chu Top 5-ah an la lang ve bawk.