'Freaky Friday' chhunzawmna a awm dawn e

2003 body-swap comedy,'Freaky Friday' chhunzawmna siam a ni dawn a, a changtu ngai Lindsay Lohan leh Jamie Lee Curtis-te bawk an chang leh thei dawn.

Kum 37 mi, 'Mean Girls' star Lindsay Lohan chuan 'Freaky Friday' sequel hi siam a ni dawn tih a interview-naah a sawi a, Curtis nen pawh an phur dun hle tih a sawi. Sequel siam a nih tur thu hi nikum February thla khan sawi lan a lo ni tawh a, Lohan leh Curtis hian nufa anga an chan leh tur thu pawh an lo sawi tawh a ni. Mahse hun rei tak an thawm a reh leh hnuah, tunah erawh an siam dawn tak tak ta a nih hmel. Script ziak tur hian Elyse Hollander pawh tihfel a ni tawh nia sawi a ni.