Spotify billions club-ah Black Sabbath 'Paranoid'

Black Sabbath 'Paranoid' chuan an tihchhuah aṭanga kum 50 chuang hnuah Spotify-ah stream tluklehdingawn chuang neiin, Spotify Billions Club a zawm ve ta. Kum 2008-a siam a nih aṭangin, Spotify Billions Club-ah hian hla 581 an lang tawh a ni.

'Paranoid' hi heavy metal genre classic tia sawi ṭhin a ni a, kum 1970-a an album tihchhuaha title track niin, Official UK Singles Chart-ah no. 4 leh Billboard Hot 100-ah no. 61-ah a lang pha a ni. He hla hi studio-ah minute 5 chhugin lreka phuah a ni tih an band bass player Geezer Butler chuan a lo sawi tawh a ni. Black Sabbath hi kum 2006 khan Rock and Roll Hall of Fame-ah lak luh an lo ni tawh bawk.