Dakota Johnson-i'n superhero movie-a chan tum tawh lo

Dakota Johnson chuan a movie thar ber, 'Madame Web' chu box office lama a flop hnuah, hetiang big-budget superhero movie hi chan chhunzawm a tum tawh lo tih a sawi.

Marvel Spider-man universe behchhana siam, Sony movie 'Madame Web' hian beisei a pha lo hle a, critics leh audience lam review pawh a hmu chhe hle. Mahse Johnson hian hei hi mak a ti lo tih sawiin,"Audience-te hi an smart vek tawh a, thil dik lo leh awm lo tak chu an hrethiam nghal zel a ni," a ti. He film-ah hian Johnson hi superhero, Cassandra Webb lemah a chang a, ani bakah Syndey Sweeny, Isabela Merced leh Emma Roberts-te pawh an chang. 'Madame Web' chuan beisei pha loin, box office lamah che ṭha lo viau mah se, a tan chuan inzirna pawimawh tak pakhat a ni tih Johnson chuan a sawi zui bawk.