'Dak Pu' OST a chhuak ta

Mizo film thar chhuak tur, 'Dak Pu' OST chu tihchhuah a ni ta. A movie hi tun thla chhunga tihchhuah hman tum a ni bawk.

'Dak Pu' OST hi tunlai Zoram rimawi khawvela boruak nei lian, Youngfella phuah leh sak a ni a, music leh record hi Smiley kutchhuak a ni. YouTube-a a channel-ah dahin, view pawh a pung chak hle. 'Dak Pu' hi thingtlang khaw pakhata dak pu thil tawn, hmangaihna tuipuia a liluh dan leh, harsatna chi hrang hrang lungkuai leh hlimawm taka a hmachhawn dan tarlanna a ni. A changtute hi lemchan lama kan hriat lar - Alex Lalchhuankima, MS-i Hmar, Sangteii Renza, Adama, Hruaia Sailo leh Lianthangpuia Chhangte te an ni. Director hi V. Zochhuanmawia niin, director of photography Chiangte Videography, screenplay Nuna Hrahsel leh producer Amawii Hero a ni.