Lersia Play-ah 'Awma ka ni' en theih dawn

Kristian film, 'Awma ka ni' tih chu zanin aṭangin Lersia Play-ah en theiha chhawp chhuah a ni dawn ta.

'Awma ka ni' hi a taka thil thleng behchhana siam niin, nikum October 26 khan tlangzarhin, hun eng emaw chen show anga kalpui a nih hnuah Lersia Play-ah dah a ni ta a ni. Director hi Vanlalawmpuia (Opix Renthlei) niin, script hi a ziah a ni bawk a, producer hi Zothanpuia Sailo (Mr Bond Entertainment) a ni. Film lama kan lo hmelhriat sa - PC Lallawmzuali, Jasmine Chinzah leh Jonathan Lalpeksanga Colney-te chuan role pawimawh changin, anni bakah mi thar eng emaw zat an chang bawk. He film-in a tum ber chu Pathian ring lo leh rilru leh thlarau lama harsatna neite'n Pathian hmel an lo hmuh theih a ni.